ന്യൂ ഡൽഹി : അത്യുഗ്രൻ ജയവുമായി മുംബൈ സിറ്റി. രണ്ടിനെതിരെ നാല് ഗോളുകൾക്കാണ് ഡല്‍ഹി ഡൈനമോസിനെ മുംബൈ സിറ്റി തകർത്തത്. മത്സരം തുടങ്ങി മൂന്നാം മിനിറ്റില്‍ സൗവിക് ചക്രബര്‍ത്തിയുടെ സെല്‍ഫ് ഗോളിൽ ഡൽഹി മുന്നിലെത്തി. ശേഷം മത്സരം രണ്ടാം പകുതിയിലേക്ക് കടന്നപ്പോഴാണ് മത്സരം തീപാറും പോരാട്ടത്തിലേക്ക് മാറിയത്.
49ആം മിനിറ്റിൽ ലഭിച്ച പെനാൽറ്റി റാഫേല്‍ ബാസ്റ്റോസ് ഗോൾ ആക്കി മാറ്റിയതോടെ മുംബൈ സമനില പിടിച്ചു. 61ആം മിനിറ്റിൽ പകരത്തിനു പകരം എന്ന പോലെ മാര്‍ട്ടി ക്രെസ്പിയുടെ സെല്‍ഫ് ഗോളിലൂടെ മുംബൈ മുന്നിലെത്തി. ഒടുവിൽ . 69-ാം മിനിറ്റില്‍ റെയ്നര്‍ ഫെര്‍ണാണ്ടസും 80-ാം മിനിറ്റില്‍ പൗളോ മച്ചാഡോയും നേടിയ ഗോളിലൂടെ അത്യുഗ്രൻ ജയം മുംബൈ സ്വന്തമാക്കുകയായിരുന്നു.
ഈ ജയത്തോടെ ഒന്പതു മത്സരങ്ങളില്‍നിന്ന് 17 പോയിന്‍റുമായി മുംബൈ നാലാം സ്ഥാനത്തേക്കു കുതിച്ചു. തോൽവിയോടെ പത്തു മത്സരങ്ങളില്‍നിന്ന് നാലു പോയിന്‍റ് മാത്രമുള്ള ഡല്‍ഹി അവസാന സ്ഥാനത്ത് തുടരുന്നു.
Post Your Comments