ന്യൂഡല്‍ഹി: അസിസ്റ്റന്‍റ് കമ്മീഷണര്‍ ആത്മഹത്യ ചെയ്തു. എസിപി പ്രേം ബല്ലഭ് (55) ആണ് ഡല്‍ഹി പോലീസ് ആസ്ഥാനത്തിന്‍റെ പത്താം നിലയില്‍ നിന്നു താഴേക്കു ചാടി ജീവനൊടുക്കിയത്. വ്യാഴാഴ്ച രാവിലെ 10.30 ന് ആയിരുന്നു സംഭവം. പത്താം നിലയിലെ ജനലില്‍ കയറിയ പ്രേം ബല്ലഭ് താഴേക്കു ചാടുകയായിരുന്നു. താഴെ വീണ ഉടന്‍ തന്നെ ഇദ്ദേഹത്തെ സഹപ്രവര്‍ത്തകര്‍ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ ആയില്ല. സംഭവത്തിന് മുൻപ് ഹെഡ്ക്വാര്‍ട്ടേഴ്സില്‍ നടന്ന ചില ഉദ്യോഗസ്ഥ യോഗങ്ങളില്‍ പ്രേം പങ്കെടുത്തിരുന്നു.
മാനസിക സമ്മര്‍ദമാണ് ആത്മഹ്യത്യക്കു പിന്നിലെന്നാണ് പ്രാഥമിക നിഗമനമെന്നും ആത്മഹത്യക്കുറിപ്പൊന്നും കണ്ടെത്തിയിട്ടില്ലെന്നും പോലീസ് പറഞ്ഞു. അതേസമയം മാനസിക സമ്മര്‍ദത്തിന് പ്രേം ബല്ലഭ് മരുന്നു കഴിച്ചിരുന്നതായി കുടുംബാംഗങ്ങള്‍ പോലീസിനോട് പറഞ്ഞു. ജിബിടി ആശുപത്രിയില്‍ കഴിഞ്ഞ ഒരു മാസക്കാലം ചികിത്സയിലായിരുന്ന പ്രേം നീണ്ട അവധിക്കു ശേഷം ഒരാഴ്ച മുന്‍പാണ് ജോലിയില്‍ പ്രവേശിച്ചത്.
Post Your Comments