പോലീസിനുള്ള പ്രസാദ വിതരണം പ്രതിസന്ധിയിൽ

പത്തനംതിട്ട : ശബരിമലയിൽ പോലീസുകാർക്ക് നൽകുന്ന പ്രസാദ വിതരണം ദേവസ്വംബോർഡിന് ബാധ്യതയാകുന്നു. നിലയ്ക്കൽ മുതൽ സന്നിധാനം വരെ ജോലി ചെയ്യുന്ന പോലീസുകാർക്കാണ് പ്രസാദം സൗജന്യമായി നൽകുന്നത്. അപ്പവും അരവണയും 20000 പോലീസുകാർക്കാണ് നൽകേണ്ടത്. ആദ്യഘട്ടത്തിൽ 5200 പോലീസുകാർക്ക് പ്രസാദ വിതരണം നടത്തണം . ഇതോടെ ദേവസ്വംബോർഡിന് 25 ലക്ഷം രൂപയുടെ ബാധ്യതയാണ് ഉണ്ടാകുന്നത്.