ഹെബ്‌റോണ്‍: ഇസ്രായേല്‍ പട്ടാളം യുവാവിനെ വെടിവെച്ച് കൊന്നു. പലസ്തീന്‍കാരനായ റംസി അബൂ യാബിസ് എന്ന 33 കാരനെയാണ് പട്ടാളം വെടിവെച്ചു കൊലപ്പെടുത്തിയത്. ഹെബ്‌റോണിലെ വെസ്റ്റ്ബാങ്ക് റോഡില്‍ തിങ്കളാഴ്ചയാണ് സംഭവം നടന്നത്. അതേസമയം തങ്ങളെ കാറിടിപ്പിച്ച് അപായപ്പെടുത്താന്‍ ശ്രമിച്ചപ്പോഴാണ് വെടിവെച്ചതെന്നാണ് ഇസ്രായേലിന്റെ വിശദീകരണം.
ദെയ്‌ശെ അഭയാര്‍ഥി ക്യാമ്പില്‍ നിന്നുള്ളയാളാണ് റംസി. തലയ്ക്ക് വെടിയേറ്റാണ് റംസി കൊല്ലപ്പെട്ടതെ റെഡ്ക്രസന്റിനെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു.
കാര്‍ ഡ്രൈവറായ റംസി വാഹനം ഓടിക്കുന്നതിനിടയിലാണ് കൊല്ലപ്പെട്ടത്. എന്നാല്‍ തങ്ങളുടെ സൈനികരെ ആക്രമിക്കാന്‍ ശ്രമിച്ചതു കൊണ്ടാണ് റംസിയെ വെടിവെയ്‌ക്കേണ്ടി വന്നതെന്ന് ഇസ്രായേല്‍ സൈന്യം പറഞ്ഞു. അതേസമയം നേരത്തേയും ഇത് കാരണം ഉന്നയിച്ച് നിരവധി പലസ്തീനികളെ ഇസ്രായേല്‍ സൈന്യം വെടിവെച്ചു കൊന്നിരുന്നു.
Post Your Comments