പാനൂര്‍ : പാനൂരില്‍ നിന്നു കാണാതായ ഉറ്റ സുഹൃത്തുക്കളായ രണ്ടു പെണ്‍കുട്ടികളെ മലപ്പുറം തിരൂരില്‍ പൊലീസ് കണ്ടെത്തി. പാനൂര്‍ സി.ഐക്ക് ലഭിച്ച സന്ദേശത്തിന്റെ അടിസ്ഥാനത്തില്‍ നടത്തിയ അന്വേഷണത്തില്‍ തിരൂരിലെ സ്വകാര്യ ടൂറിസ്റ്റ് ഹോമില്‍ നിന്ന് ഇവരെ കസ്റ്റഡിയിലെടുത്തു. രണ്ടു ദിവസമായി ഇവര്‍ ഇവിടെ താമസിച്ചു വരികയായിരുന്നെന്ന് തിരൂര്‍ പൊലീസ് പറഞ്ഞു.
കുന്നോത്ത് പറമ്ബിലെ കുമാരന്റെ മകളായ സയന (19), പൊയിലൂരിലെ പ്രഭാകരന്റെ മകളായ ദൃശ്യ (19) എന്നിവരെയാണ് 19ന് രാവിലെ കാണാതായത്. പാനൂരിലെ സ്വകാര്യ സ്ഥാപനത്തില്‍ ലാബ് ടെക്നിഷ്യന്‍ കോഴ്സ് വിദ്യാര്‍ത്ഥിനികളാണ്. പതിവുപോലെ പാനൂരില്‍ ക്ലാസിനെത്തിയതായിരുന്നു ഇരുവരും. സയനയുടെ സ്കൂട്ടറിലാണ് എത്തിയത്. സ്കൂട്ടര്‍ റോഡരികില്‍ നേരത്തേ കണ്ടെത്തിയിരുന്നു.
Post Your Comments