താനൂര്‍ : അമിതവേഗതയിലെത്തിയ കാര്‍ നിയന്ത്രണം വിട്ട് ബൈക്കിലിടിച്ച്‌ ബൈക്ക് യാത്രികന്‍ മരിച്ചു. പൂരപ്പുഴ പടിഞ്ഞാറ് വശം ചെറിയാംപുറത്ത് തൂമ്ബന്റെ മകന്‍ സുധീഷാ(34)ണ് മരിച്ചത്. പരപ്പനങ്ങാടി ബിഇഎം സ്‌കൂളിന് സമീപം ഞായറാഴ്ച ഉച്ചയ്ക്കാണ് അപകടം നടന്നത്. റോഡരുകില്‍ നിര്‍ത്തിയിട്ട ബെെക്കില്‍ നില്‍ക്കുകയായിരുന്ന സുധീഷിനെ പാഞ്ഞ് വന്ന കാര്‍ ഇടിക്കുകയും 15 മീറ്ററോളം വലിച്ച് കൊണ്ട് പോയതായും റിപ്പോര്‍ട്ട് പറയുന്നു.
അപകടത്തെ തുടര്‍ന്ന് പരപ്പനങ്ങാടിയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. കോഴിക്കോട് മെഡിക്കല്‍ കോളേജ് ആശുപത്രിയില്‍ പോസ്റ്റ്‌മോര്‍ട്ടത്തിനുശേഷം തിങ്കളാഴ്ച രാവിലെ 11ന് സംസ്‌കരിക്കും. അമ്മ: വള്ളി ഭാര്യ: അനുഷ. മകന്‍: ഫിദല്‍കൃഷ്ണ. സഹോദരങ്ങള്‍: മണി, ഷിമോജ്, ജിഷ, സുരേഷ്.
Post Your Comments