ന്യൂഡൽഹി: എസ്പി യതീഷ് ചന്ദ്രയ്ക്കെതിരെ പരാതിയുമായി ബിജെപി സംസ്ഥാന അധ്യക്ഷൻ പി.എസ്. ശ്രീധരൻ പിള്ള. ശബരിമലയിലെത്തിയ കേന്ദ്രമന്ത്രി പൊന്‍ രാധാകൃഷ്ണനോട് യതീഷ് ചന്ദ്ര മോശമായി പെരുമാറിയതിന്റെ പശ്ചാത്തലത്തിൽ കേന്ദ്ര പഴ്സനൽ മന്ത്രാലയത്തിനാണ് അദ്ദേഹം പരാതി നൽകിയിരിക്കുന്നത്.
ബുധനാഴ്ച ശബരിമല സന്ദർശനത്തിന് മന്ത്രിയെത്തിയപ്പോഴാണ് സംഭവം. സ്വകാര്യവാഹനങ്ങൾ നിലയ്ക്കലിൽ നിന്ന് പമ്പയിലേക്ക് എന്തുകൊണ്ടു കടത്തിവിടുന്നില്ലേയെന്ന് മന്ത്രി ചോദിച്ചപ്പോൾ ഗതാഗതക്കുരുക്കിന്റെ ഉത്തരവാദിത്തം താങ്കള്‍ ഏറ്റെടുക്കുമോ എന്ന് എസ്പി യതീഷ് ചന്ദ്ര മറുപടി പറയുകയും ഇരുവരും തമ്മിൽ വാക്ക് തർക്കം ഉണ്ടാകുകയും ചെയ്‌തിരുന്നു. യതീഷ് ചന്ദ്രയ്ക്കെതിരെ കേന്ദ്ര ആഭ്യന്തര മന്ത്രാലയത്തിനു പരാതി നൽകുമെന്ന് മന്ത്രിയുടെ ഒപ്പമുണ്ടായിരുന്ന എ.എന്‍. രാധാകൃഷ്ണനും അറിയിച്ചിട്ടുണ്ട്.
Post Your Comments