രഞ്ജിട്രോഫി : ബംഗാളിനെതിരെ തകര്‍പ്പന്‍ ജയവുമായി കേരളം

കൊൽക്കത്ത : രഞ്ജിട്രോഫിയിൽ തുടര്‍ച്ചയായ രണ്ടാം ജയവുമായി കേരളം. 5/1 എന്ന നിലയില്‍ മൂന്നാം ദിനം രണ്ടാം ഇന്നിംഗ്‌സിൽ ബംഗാള്‍ 184 റണ്‍സിന് ഓള്‍ ഔട്ടായപ്പോള്‍ വിജയലക്ഷ്യമായ 41 റണ്‍സ് കേരളം അനായാസം മറികടന്നു. ജലജ് സക്സേനയുടെ വിക്കറ്റ് ആണ് കേരളത്തിന് നഷ്ടമായത്( 21 പന്തില്‍ 26 റണ്‍സ് ).  അരുണ്‍ കാര്‍ത്തിക്ക് (16 റണ്‍സ്) രോഹന്‍ പ്രേം(രണ്ടു റൺസ്) എന്നിവരും കേരളത്തിന്റെ ജയത്തിനായി ബാറ്റ് വീശി. അഞ്ചു വിക്കറ്റെടുത്ത സന്ദീപ് വാര്യരും,മൂന്ന് വിക്കറ്റെടുത്ത ബേസില്‍ തമ്പിയുമാണ് രണ്ടാം ഇന്നിംഗ്സിൽ 184 റണ്‍സിനു ബംഗാളിനെ തളച്ചത്.

നിലവിലെ ജയത്തോടെ ആറു പോയിന്റു നേടി 13 പോയന്റുമായി കരുത്തരായ തമിഴ്നാടും ഡല്‍ഹിയുമെല്ലാം ഉള്ള ബി ഗ്രൂപ്പില്‍ ഒന്നാം സ്ഥാനം കേരളം ഉറപ്പിച്ചു. ആറു പോയന്റുള്ള ബംഗാള്‍ രണ്ടാം സ്ഥാനത്താണ്.

സ്കോര്‍ ബംഗാള്‍ 147, 184, കേരളം 291, 44/1.