ഇന്ധന വിലയില്‍ വീണ്ടും കുറവ്; പുതിയ നിരക്ക് ഇങ്ങനെ

തിരുവനന്തപുരം: സംസ്ഥാനത്ത് ഇന്ധന വിലയില്‍ വീണ്ടും കുറവ്. ആഗോള വിപണിയില്‍ എണ്ണ വിലയിലുണ്ടാകുന്ന ഇടിവാണ് ഇന്ധന വില കുറയാന്‍ കാരണം. ഇന്ന് പെട്രോളിന് 42 പൈസയും ഡീസലിന് 32 പൈസയുമാണ് കുറഞ്ഞത്. കൊച്ചിയില്‍ പെട്രോള്‍ വില 77.90 രൂപയായി. ഡീസലിന് 74.68 രൂപയും. കോഴിക്കോട്ട് പെട്രോള്‍ വില 78.24 രൂപയും ഡീസലിന് 75.03 രൂപയുമായി. തിരുവനന്തപുരത്ത് ഇന്ന് ഒരു ലിറ്റര്‍ പെട്രോളിന് 79.28 രൂപയും ഡീസലിന് 76.12 രൂപയുമാണ് വില.