എറണാകുളം : ബെഡ് കമ്പനിയിൽ തീപിടിത്തം. വൈകിട്ട് അഞ്ചേമുക്കാലോടെ എറണാകുളം ഏലൂരിടുത്തുള്ള മേത്താനത്ത് ബെഡ് കമ്പനിയിലാണ് തീപിടിത്തമുണ്ടായത് ആലുവ, എറണാകുളം ഫയർസ്റ്റേഷനുകളിൽ നിന്നുള്ള ഉദ്യോഗസ്‌ഥർ തീയണക്കാനുള്ള ശ്രമം തുടരുകയാണ്.അ‌ഞ്ച് യൂണിറ്റാണ് രക്ഷാപ്രവർത്തനം നടത്തുന്നത്. കെട്ടിടം പൂർണമായും കത്തി നശിച്ചു. ആർക്കും പരിക്കോ പൊള്ളലോ ഏറ്റിട്ടില്ലെന്നാണ് പ്രാഥമിക വിവരം. തീ പിടിത്തത്തിന്‍റെ കാരണം വ്യക്തമല്ല.
രണ്ട് നിലയുള്ള കെട്ടിടത്തിനാണ് തീ പിടിച്ചത്. മുകളിലത്തെ നിലയിലെ തീ അണച്ചു. എന്നാൽ താഴത്തെ നിലയിൽ ഇപ്പോഴും തീ ഉണ്ട്. ഷട്ടറുകൾ അടഞ്ഞ് കിടക്കുന്നത് ഏറെ ബുദ്ധിമുട്ടു സൃഷ്‌ടിക്കുന്നു. ജനവാസമേഖലയായതിനാൽ പൊലീസും ഫയർഫോഴ്സും. എത്രയും പെട്ടെന്ന് തീയണക്കാനുള്ള ശ്രമത്തിലാണ്. കോമ്പൗണ്ടിൽ ഉണ്ടായിരുന്ന ആളുകളെയെല്ലാം ഒഴിപ്പിച്ചിട്ടുണ്ട്. ഹർത്താലായതിനാൽ ഇന്ന് കമ്പനിയിൽ ജോലിക്കാരുണ്ടായിരുന്നില്ല. വൈകിട്ട്, അഞ്ചേമുക്കാലോടെ ലോഡ് ഇറക്കാൻ ലോറി എത്തിയതിന് ശേഷമാണ് തീ പിടിത്തമുണ്ടായത്.
Post Your Comments