ന്യൂഡല്‍ഹി: കാമുകിമാരുമെത്ത് ആഡംബര ജീവിതത്തിന് മോഷണം തൊഴിലാക്കിയ യുവ ഡാന്‍സര്‍ അറസ്റ്റില്‍. ഗോവിന്ദപുരി സ്വദേശി സണ്ണിയെന്നറിയപ്പെടുന്ന രോഹന്‍ ഗില്‍ ആണ് അറസ്റ്റിലായത്. ബുധനാഴ്ച രാത്രി ഗോവിന്ദപുരി ചൗക്കിലായിരുന്നു സംഭവം.
രാഹുല്‍ എന്ന ഓട്ടോ ഡ്രൈവറുടെ പണമാണ് രോഹന്‍ തട്ടിയെടുത്തത്. ഓട്ടോ സ്റ്റാന്‍ഡില്‍ രാഹുല്‍ തന്റെ പഴ്‌സിലെ പണം എണ്ണിത്തിട്ടപ്പെടുത്തി നില്‍ക്കുമ്പോള്‍ ഈ സമയം രോഹന്‍ പണ തട്ടിപ്പറിച്ച് ഓടുകയായിരുന്നു. രാഹുല്‍ ബഹളംവച്ചതോടെ സമീപത്തു പട്രോളിംഗിനുണ്ടായിരുന്ന പോലീസ് പിന്തുടര്‍ന്ന് രോഹനെ പിടികൂടി. പ്രതിയില്‍നിന്നും 1,900 രൂപയും മൊബൈല്‍ ഫോണും പോലീസ് പിടിച്ചെടുത്തു. തനിക്കു നാല് കാമുകിമാരാണ് ഉള്ളതെന്നും ഇവരുടെ ചെലവ് വഹിക്കാനാണ് മോഷണം ആരംഭിച്ചതെന്നും രോഹന്‍ ചോദ്യം ചെയ്യലില്‍ പോലീസിനോട് പറഞ്ഞു
Post Your Comments