കോഴിക്കോട്: യാത്രക്കാരിയോട് അപമര്യാതയായി പെരുമാറിയ കെഎസ്‌ആര്‍ടിസി കണ്ടക്ടര്‍ അറസ്റ്റില്‍. കോഴിക്കോട് വടകര തിരുവള്ളൂര്‍ താഴെക്കുനി വീട്ടില്‍ കെ.ഹനീഷിനെയാണ് പൊലീസ് അറസ്റ്റ് ചെയ്തത്. കുറ്റ്യാടിയില്‍ നിന്നു മാനന്തവാടിയിലേക്കുള്ള ബസില്‍ കഴിഞ്ഞ രാത്രിയിലായിരുന്നു സംഭവം. യാത്രയ്ക്കിടയില്‍ കണ്ടക്ടര്‍ യുവതിയുടെ ദേഹത്തു കടന്നു പിടിച്ചതായാണു പരാതി. യുവതി ഉടൻ തന്നെ തന്റെ ഭാവി വരന് മൊബൈലില്‍ സന്ദേശമയയ്ക്കുകയും ചെയ്തിരുന്നു. അദ്ദേഹം വിവരമറിയിച്ചതിനെത്തുടര്‍ന്നു പൊലീസ് ബസ് തടഞ്ഞു നിര്‍ത്തി കണ്ടക്ടറെ അറസ്റ്റ് ചെയ്യുകയായിരുന്നു.
Post Your Comments