തിരുവനന്തപുരം : വിദ്യാർത്ഥികൾക്ക് വിൽക്കാൻ കഞ്ചാവ് സൂക്ഷിച്ച കേസിൽ എസ്.എഫ്.ഐ നേതാവ് പിടിയിൽ. ഗവണ്മെന്റ് നഴ്സിംഗ് കോളേജിലെ അവസാനവർഷ വിദ്യാർത്ഥിയും എസ്.എഫ്.ഐ വഞ്ചിയൂർ ഏരിയ കമ്മിറ്റി അംഗവുമായ ജഗിൽ ചന്ദ്രനാണ് പിടിയിലായത്. മെഡിക്കൽ കോളേജ് പൊലീസ് നടത്തിയ റെയ്ഡിൽ ജഗിൽ ചന്ദ്രന്റെ മുറിയിൽ നിന്ന് വിദ്യാർത്ഥികൾക്ക് വിൽക്കാൻ പാകത്തിൽ പൊതികളാക്കി സൂക്ഷിച്ച അരക്കിലോ കഞ്ചാവാണ് പിടിച്ചെടുത്തത്.
കഴിഞ്ഞ ദിവസവും പോലീസ് കഞ്ചാവ് പിടികൂടിയിതിനെ തുടർന്ന് നടത്തിയ അന്വേഷണത്തിൽ കോളേജ് ഹോസ്റ്റൽ കേന്ദ്രീകരിച്ചാണ് കഞ്ചാവ് വിൽപ്പന നടക്കുന്നതെന്ന് വ്യക്തമാവുകയും തുടർന്ന് നടത്തിയ അന്വേഷണത്തിൽ ഇയാൾ പിടിയിലാവുകയുമായിരുന്നു.കൂടാതെ ഈയടുത്ത് മെഡിക്കൽ കോളേജ് പരിസരവുമായി ബന്ധപ്പെട്ട് വലിയ തോതിൽ കഞ്ചാവ് പിടികൂടിയിരുന്നെന്നും തുടരന്വേഷണം നടക്കുകയാണെന്ന് പൊലീസ് വ്യക്തമാക്കി
Post Your Comments