ആലപ്പുഴ: എന്‍എസ്എസ് ജനറല്‍ സെക്രട്ടറി സുകുമാരന്‍ നായര്‍ക്ക് അനുശോചനം അറിയിച്ച കരയോഗ മന്ദിരത്തില്‍ കരിങ്കൊടിയും റീത്തും കണ്ടെത്തി.ആലപ്പുഴ നൂറനാടാണ് സംഭവം.
കൊടശിനാട് എന്‍എസ്എസ് ഹൈസ്‌കൂളിലും സമാനമായി കരിങ്കൊടിയുയര്‍ത്തി റീത്ത് വച്ചിട്ടുണ്ട്. സംഭവത്തില്‍ എന്‍എസ്എസ് പോലീസില്‍ പരാതി നല്‍കി.
ശബരിമല സ്ത്രീ പ്രവേശനത്തിനെതിരെ എന്‍എസ്എസ് നാമജപ യജ്ഞം നടത്തിയതില്‍ പ്രകോപിതരായവരാണ് ആക്രമണത്തിന് പിന്നിലെന്ന് സംശയിക്കുന്നതായി എന്‍എസ്എസ് ഭാരവാഹികള്‍ പ്രതികരിച്ചു. നേരത്തെ പാപ്പനംകോടിന് സമീപം മേലാംകോട് എന്‍എസ്എസ് കരയോഗ മന്ദിരത്തിന് നേരെ ആക്രമണം നടന്നിരുന്നു. ചട്ടമ്പി സ്വാമി സ്മൃതി മണ്ഡപത്തിന്റെ ചില്ലുകള്‍ തകര്‍ന്നിരുന്നു.
Post Your Comments