ബോളിവുഡിന്റെ സ്വന്തം താരറാണിക്ക് പാകിസ്ഥാനില്‍ ഒരു അപര. മിസ് വേള്‍ഡ് 2000 പ്രിയങ്ക ചോപ്രയുടെ രൂപസാദ്യശ്യമുള്ള പാക് നടിയും മോഡലുമായ സഹാലേ സര്‍ഹാദിയാണ് ഇപ്പോള്‍ ഇന്ത്യയിലും ശ്രദ്ധിക്കപ്പെടുന്നത്.
മിക്ക അഭിമുഖങ്ങളിലും പ്രിയങ്കയുമായുള്ള സാദ്യശ്യത്തെക്കുറിച്ചുള്ള ചോദ്യങ്ങള്‍ ഉയരാറുണ്ടെന്ന് സഹാലേ പറയുന്നു. പാകിസ്ഥാനില്‍ ഇന്ത്യന്‍ ചാനലുകള്‍ക്ക് വിലക്ക് ഏര്‍പ്പെടുത്തിയ വര്‍ഷമാണ് താന്‍ അഭിനയം തുടങ്ങിയതെന്നും അപ്പോള്‍ പ്രിയങ്ക ചോപ്ര മിസ് വേള്‍ഡായിരുന്നെന്നും സഹാലേ സര്‍ഹാദി പറയുന്നു.
ഒരു ഷോയില്‍ പങ്കെടുത്ത താന്‍ പ്രിയങ്കയാണെന്ന് തെറ്റിദ്ധരിക്കപ്പെട്ടിട്ടുണ്ടെന്നും അന്ന് മുതല്‍ പ്രിയങ്കയുമായി ബന്ധപ്പെട്ട് താന്‍ പരാമര്‍ശിക്കപ്പെടുന്നുണ്ടെന്നും പാക് നടി പറഞ്ഞു. ഇപ്പോള്‍ പ്രിയങ്കക്ക് തന്നെ അറിയാമെന്നും അവര്‍ ഉറപ്പിച്ച് പറഞ്ഞു. എന്തായാലും പ്രിയങ്കയുടെ പേരില്‍ ലഭിക്കുന്ന വാഴ്ത്തലില്‍ സഹാലേ സര്‍ഹാദി സന്തുഷ്ടയാണ്.
Post Your Comments