വാഹനാപകടം : വിനോദസഞ്ചാരത്തിന് എത്തിയ വിദ്യാർത്ഥിക്ക് ദാരുണാന്ത്യം

ഇടുക്കി: വാഹനാപകടത്തിൽ വിനോദസഞ്ചാരത്തിന് എത്തിയ കോളേജ് വിദ്യാർത്ഥിക്ക് ദാരുണാന്ത്യം. മാനൂർ മലബാർ കോളേജിലെ ബി.കോം മൂന്നാം വർഷ വിദ്യാർത്ഥി മലപ്പുറം കുറ്റിപ്പുറം വട്ടക്കുളം തരക്കൽ വീട്ടിൽ മുഹമ്മദ് ഷിയാസ് (21) ആണ് മരിച്ചത്. മലപ്പുറം സ്വദേശികളായ പത്ത് പേരടങ്ങുന്ന വിദ്യാർത്ഥി സംഘം അഞ്ച് ബൈക്കുകളിലായി ചൊവ്വാഴ്ച പുലർച്ചെയോടെയാണ് മുന്നാർ സന്ദർശനത്തിനായി എത്തിയത്. മാട്ടുപ്പെട്ടി സന്ദർശനം പൂർത്തിയാക്കിയ ശേഷം ന്നാറിലേക്ക് മടങ്ങവെ ബോട്ടിംങ്ങിന് സമീപത്തെ വളവിൽ മുഹമ്മദ് ഷിയാസ് സഞ്ചരിച്ച ബൈക്ക് എതിരെവന്നെ ഇന്നോവ കാറിൽ വെച്ചായിരുന്നു അപകടം. ബൈക്ക് ഓടിച്ചിരുന്നത് സുഹൃത്തായ ഷെമീറാണ്. തലക്ക് ഗുരുതരമായി പരിക്കേറ്റ മുഹമ്മദ് ഷിയാസിനെ മൂന്നാർ ജനറൽ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. മൂന്നാർ പോലീസ് നേതൃത്വത്തിൽ മേൽനടപടികൾ സ്വീകരിച്ചു.