ബഹുനില കെട്ടിടത്തില്‍ വന്‍ അഗ്നിബാധ; കെട്ടിടത്തില്‍ നിന്ന് മുഴുവന്‍ ആളുകളെയും ഒഴിപ്പിച്ചതായി വിവരം

കൊല്‍ക്കത്ത: ബഹുനില കെട്ടിടത്തില്‍ വന്‍ അഗ്നിബാധ. കെട്ടിടത്തിലെ ആളുകളെ ഒഴിപ്പിച്ചു. കൊല്‍ക്കത്തയിലെ പാര്‍ക്ക് സ്ട്രീറ്റ് പ്രദേശത്തുള്ള ബഹുനില കെട്ടിടത്തിലാണ് അഗ്നിബാധയുണ്ടായത്. ഓഫീജെ ഹൗസ് എന്ന കെട്ടിടത്തിലാണ് തീപിടിത്തമുണ്ടായത്. എട്ടു നിലകളുള്ള ഈ കെട്ടിടത്തില്‍ നിരവധി കമ്പനികളുടെ ഓഫീസ് പ്രവര്‍ത്തിക്കുന്നുണ്ട്.

ഇപ്പോഴും തീ പടര്‍ന്നുകൊണ്ടിരിക്കുകയാണെന്നാണ് വിവരം. കെട്ടിടത്തില്‍ നിന്ന് മുഴുവന്‍ ആളുകളെയും ഒഴിപ്പിച്ചെന്ന് അഗ്നിശമന സേനാ വിഭാഗം അധികൃതര്‍ അറിയിച്ചു. കെട്ടിടത്തിന്റെ അഞ്ചാം നിലയില്‍ നിന്നാണ് തീ പടര്‍ന്നതെന്നാണ് വിവരം. തീപിടിത്തത്തിന്റെ കാരണം എന്താണെന്ന് വ്യക്തമായിട്ടില്ല.