ദമ്മാം: 24 വർഷം നീണ്ട പ്രവാസജീവിതം മതിയാക്കി നാട്ടിലേയ്ക്ക് മടങ്ങുന്ന, നവയുഗം സാംസ്‌ക്കാരികവേദി ദമ്മാം സിറ്റി മേഖല കമ്മിറ്റിയുടെ കീഴിൽ വരുന്ന അമാമ്ര യൂണിറ്റ് കമ്മിറ്റി അംഗമായ, ബാലൻ ദിനേശിന് നവയുഗം ഊഷ്മളമായ യാത്രയയപ്പ് നൽകി. ദമ്മാമിലെ ഒരു കമ്പനിയിൽ വെൽഡർ ആയി ജോലി നോക്കിയിരുന്ന ദിനേശ്, നവയുഗത്തിന്റെ സജീവപ്രവർത്തകനാണ്. രണ്ടര പതിറ്റാണ്ടു കാലമായി ദമ്മാമിലെ പ്രവാസി സമൂഹത്തിൽ കഴിച്ചു കൂട്ടിയ അദ്ദേഹം, ശിഷ്ടകാലം കുടുംബത്തോടൊപ്പം നാട്ടിൽ ജോലി ചെയ്തു ജീവിയ്ക്കാനാണ് തീരുമാനം.
നവയുഗം അമാമ്ര യൂണിറ്റ് കമ്മിറ്റി പ്രസിഡന്റ് സുകുപിള്ളയുടെ അദ്ധ്യക്ഷതയിൽ ചേർന്ന യാത്രയയപ്പ് യോഗത്തിൽ വെച്ച് യൂണിറ്റ് ട്രെഷറർ സതീഷ് ചന്ദ്രൻ, ദിനേശിന് നവയുഗത്തിന്റെ ഉപഹാരം കൈമാറി. ദമ്മാം മേഖലകമ്മിറ്റി പ്രസിഡന്റ് ഗോപകുമാർ, മേഖല സെക്രെട്ടറി ശ്രീകുമാർ വെള്ളല്ലൂർ, മേഖല ജീവകാരുണ്യവിഭാഗം കൺവീനർ നിസ്സാം കൊല്ലം, നവയുഗം നേതാക്കളായ തമ്പാൻ നടരാജൻ, ചാക്കോ ജോൺ, ബാബു ചാത്തന്നൂർ, നിസാർ, രഘു, അനിൽ, ജോമോൻ, വിജയകുമാർ, കെ.ബി.പിള്ള എന്നിവർ ആശംസകൾ അർപ്പിച്ചു സംസാരിച്ചു.
Post Your Comments