ഡൽഹി ഡൈനാമോസ്-ജംഷഡ്പൂര്‍ എഫ് സി ആവേശപ്പോരാട്ടം അവസാനിച്ചത് സമനിലയിൽ

ന്യൂ ഡൽഹി : ഡൽഹി ഡൈനാമോസ് -ജംഷഡ്പൂര്‍ എഫ് സി ആവേശപ്പോരാട്ടം അവസാനിച്ചത് സമനിലയിൽ . ഇരു ടീമുകളും രണ്ടു ഗോൾ വീതമാണ്  നേടിയത്.  മൽസരം ആരംഭിച്ച് ആദ്യ പകുതിയിലെ 39ആം മിനിറ്റിൽ സെർജിയോ സിഡോഞ്ച ജംഷഡ്പൂറിനായി ആദ്യ ഗോൾ നേടി. പിന്നീട് ആവേശപോരാട്ടമായിരുന്നു കളിക്കളത്തിൽ കണ്ടത്. രണ്ടാം പകുതിയിലേക്ക് കടന്നപ്പോൾ കളിമാറി. 55ആം മിനിറ്റിൽ ചാങ്തെടയിലൂടെ ഗോൾ നേടി ഡൽഹി സമനില പിടിച്ചു.

ശേഷം 58ആം മിനിറ്റിൽ കാർമോണ ഗോൾ നേടിയതോടെ ഡൈനാമോസ് 2-1നു മുന്നിലെത്തി. ജയം ഏതാണ്ട് ഡൽഹിക്ക് സ്വന്തമെന്നു ഉറപ്പായിരിക്കെ 72-ാം മിനിറ്റിൽ ജംഷഡ്പൂറിന്റെ ജോസ് ലൂയിസ് ഗോൾ നേടിയതോടെ മത്സരം സമനിലയിൽ അവസാനിക്കുകയായിരുന്നു.

ഏഴ് കളികളില്‍ 11 പോയന്റുമായി ജംഷഡ്പൂര്‍ പോയന്റ് പട്ടികയില്‍ ഒന്നാം സ്ഥാനം കരസ്ഥമാക്കി. മികച്ച പോരാട്ടം കാഴ്ച വെച്ചിട്ടും വിജയം കാണാതെ സമനിലയിൽ പുറത്തായ ഡൽഹി പട്ടികയിൽ എട്ടാം സ്ഥാനത്താണ്