ലക്നൗ•സ്വപ്നത്തില് ശ്രീരാമദര്‍ശനം ലഭിച്ചതിനെ തുടര്‍ന്ന് ഉത്തര്‍പ്രദേശിലെ മുസ്ലീം യുവാവ് ഹിന്ദുമതം സ്വീകരിച്ചു. ഭഗവാന്‍ സ്വപ്നത്തില് പ്രത്യക്ഷപ്പെട്ട് ഹിന്ദുമതം സ്വീകരിക്കണമെന്നു പറഞ്ഞതിനെ തുടര്‍ന്നാണ് ഉത്തര്‍പ്രദേശ് ഷിംലിയിലെ ഷസാദ് എന്ന മുസ്ലീം യുവാവ് തന്റെ പേര് സഞ്ജയ് റാണ എന്നാക്കിമാറ്റിയത് എന്ന് ന്യൂസ് ഏജന്‍സിയായ എഎന്‍ഐ റിപ്പോര്‍ട്ട് ചെയ്തു.
തന്റെ പൂര്‍വികര്‍ ഹിന്ദുക്കളാണെന്നാണ് റാണയുടെ വാദം. കഴിഞ്ഞ പത്തിരുപത് ദിവസമായി ഭഗവാന്‍ രാമന്‍ തന്റെ സ്വപ്നത്തില് വരുന്നു തന്റെ പൂര്‍വികര്‍ ഹിന്ദുക്കളാണ്, അധിനിവേശക്കാര്‍ വന്ന് മതപരിവര്‍ത്തനം ചെയ്ത് ഇസ്ലാമാക്കിമാറ്റുകയായിരുന്നു, നീ നിന്റെ വേരുകളിലേക്ക് മടങ്ങിപ്പോകണമെന്ന് ശ്രീരാമന്‍ തന്നോടു പറഞ്ഞതായും സഞ്ജയ് റാണ പറഞ്ഞു.
മതപരിവര്‍ത്തനം നടത്തുകയും പേരുമാറ്റുകയും ചെയ്തതിനെ തുടര്‍ന്ന് ഭീഷണി നേരിടുന്നുണ്ടെന്ന് ചൂണ്ടിക്കാട്ടി സഞ്ജയ് പോലീസില്‍ പരാതി നല്‍കി. താനും കുടുംബവും വളരെ സന്തോഷത്തോടെയാണ് ഈ കാര്യത്തെ കാണുന്നതെന്നും മതപരിവര്‍ത്തനം നടത്തിയത് നിയമപരമായാണ്എന്നും റാണ പറഞ്ഞു.മതപരിവര്‍ത്തനത്തിന്റെ പേരില്‍ റാണയ്ക്കുമേല്‍ സമ്മര്‍ദം ചെലുത്തുന്നവര്‍ക്കെതിരെ നടപടിയെടുക്കുമെന്നും എന്നാലിപ്പോള്‍ തെളിവുകള്‍ ഒന്നും തന്നെ ലഭിച്ചില്ലെന്നും പോലീസ് വ്യക്തമാക്കി.
Post Your Comments