പൂച്ചയെ രക്ഷിക്കാൻ കിണറ്റിലിറങ്ങി കുടുങ്ങി; ഉടമക്ക് രക്ഷകരായി പോലീസ്

പഴയന്നൂർ: കാണാതായ പൂച്ചയെ കിണറ്റിൽ കണ്ടെത്തിയ വീട്ടുടമ കിണറ്റിലിറങ്ങി കുടുങ്ങി. എക്സൈസ് ഓഫിസിനു സമീപം റിട്ട. പ്രഫ. ബാലകൃഷ്ണ(70)നാണ് കിണറ്റിൽ കുടുങ്ങിയത്.

ബാലകൃഷ്ണനും ഭാര്യയും ഏറെതിരഞ്ഞശേഷമാണ് പൂച്ച കിണറ്റിൽ കിടക്കുന്നതു കണ്ടത്. വലയിട്ടു കൊടുത്തു രക്ഷിക്കാൻ ശ്രമിച്ചിട്ടും ഫലിക്കാതായതോടെയാണു ബാലകൃഷ്ണൻ തന്നെ കയറിൽ തൂങ്ങി കിണറ്റിലിറങ്ങിയത്.

കയറുരഞ്ഞ് കൈമുറിഞ്ഞ ബാലകൃഷ്ണന് തിര്കെ കയറാൻ പറ്റാതാകുകയായിരുന്നു . പൊലീസുകാരനായ ശിവകുമാർ കിണറ്റിലിറങ്ങിയാണു ബാലകൃഷ്ണനെ കരയ്ക്കെത്തിച്ചത്. പൂച്ചയെ പിന്നീട് വലയിൽ കയറ്റി പോലീസുകാർ രക്ഷപ്പെടുത്തുകയായിരുന്നു