സുരക്ഷാ സേന നടത്തിയ തിരച്ചിലിനിടെ വെടിവെപ്പ് ; തീവ്രവാദികള്‍ കൊല്ലപ്പെട്ടു

ശ്രീനഗര്‍: സുരക്ഷാ സേന നടത്തിയ തിരച്ചിലിനിടെയുണ്ടായ വെടിവെപ്പിൽ രണ്ടു തീവ്രവാദികൾ കൊല്ലപ്പെട്ടു. ജമ്മു കശ്മീരിലെ ബഡ്ഗാം ജില്ലയിലായിരുന്നു ഏറ്റുമുട്ടൽ. സാഗൂ അരിസല്‍ പ്രദേശത്ത് തീവ്രവാദി സാന്നിദ്ധ്യമുണ്ടെന്ന ഇന്റലിജന്‍സ് റിപ്പോര്‍ട്ടിനെ തുടര്‍ന്ന് നടത്തിയ തിരച്ചിലിനിടെ തീവ്രവാദികള്‍ സൈന്യത്തിന് നേരെ വെടിയുതിര്‍ക്കുകയായിരുന്നു.  കൊല്ലപ്പെട്ട തീവ്രവാദികളെ തിരിച്ചറിഞ്ഞിട്ടില്ല. ഇവരില്‍ നിന്ന് ആയുധങ്ങളും വെടിയുണ്ടകളും കണ്ടെടുത്തിട്ടുണ്ട്. അതേസമയം പ്രദേശത്ത് കനത്ത സുരക്ഷ ഒരുക്കിയിട്ടുണ്ട്. സ്ഫോടന സാധ്യത നിലനില്‍ക്കുന്നതിനാല്‍ ഏറ്റുമുട്ടല്‍ നടന്ന പ്രദേശത്തേക്ക് ജനങ്ങള്‍ പ്രവേശിക്കുന്നത് നിയന്ത്രിച്ചിട്ടുണ്ട്.