അമ്പലപ്പുഴ: ദുരിതാശ്വാസ ക്യാമ്പിൽ നിന്നും 14 കാരിയെ പ്രണയം നടിച്ചു തട്ടിക്കൊണ്ടു പോയ യുവാക്കൾ അറസ്റ്റിൽ . എടപ്പോണ്‍ പാറ്റൂര്‍ മങ്ങാട് കിഴക്കേതില്‍ അപ്പു (23), സുഹൃത്ത് കൊല്ലം കന്നിമേല്‍ശേരി ഒറ്റപ്ലാക്കല്‍ തെക്കേതില്‍ വിപിന്‍ (30) എന്നിവരെയാണ് കൊല്ലത്തുനിന്ന് പുന്നപ്ര പൊലീസ് പിടികൂടിയത്. ഐസ് പ്ലാന്റ് ടെക്നീഷ്യന്‍മാരായ യുവാക്കള്‍ പ്രളയകാലത്ത് കുറവന്തോട് ഭാഗത്തെ പ്ലാന്റില്‍ അറ്റകുറ്റപ്പണിക്ക് വന്നപ്പോള്‍ ദുരിതാശ്വാസ ക്യാമ്പിൽ നിരന്തരം എത്തിയിരുന്നു.
ഇതിനിടെയാണ് പെൺകുട്ടിയുമായി അപ്പു എന്ന യുവാവിന് പ്രണയമുണ്ടാകുന്നത്. തുടർന്ന് പെൺകുട്ടിയെ വശത്താക്കി കടന്നു കളയുകയായിരുന്നു. കഴിഞ്ഞ 23ന് ഇരുവരം പുന്നപ്രയിലെത്തി കുട്ടിയുമായി ബസില്‍ കടക്കുകയായിരുന്നു. തുടർന്ന് വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ പോക്‌സോ നിയമപ്രകാരം അറസ്റ്റ് ചെയ്ത യുവാക്കളെ ഇന്ന് കോടതിയില്‍ ഹാജരാക്കും.
Post Your Comments