ദുബായ് : യുഎഇയിൽ പ്രവാസി യുവാവ് താമസ സ്ഥലത്തെ കിടപ്പു മുറിയിൽ മരിച്ച നിലയിൽ. ദുബായിൽ ഇന്റീരിയർ ഡിസൈനിങ് സ്ഥാപനം നടത്തിവരികയായിരുന്ന അഴീക്കോട് മൂന്നുനിരത്ത് ഒണ്ടേൻ റോഡ് ചിത്തിര നിവാസിൽ ലിജു മാണിക്കോത്ത് (42) ആണ് മരിച്ചത്. ഞായറാഴ്ച രാവിലെ ജോലിക്ക് എത്താത്തതിനെ തുടർന്നു സഹപ്രവർത്തകർ നടത്തിയ തിരച്ചിലിൽ മൃതദേഹം കണ്ടെത്തുകയായിരുന്നു. ലിജുവിന്റേതെന്നു സംശയിക്കുന്ന കുറിപ്പും മുറിയിൽ നിന്നു കണ്ടെത്തിയിട്ടുണ്ട്. മൃതദേഹം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുകയാണ് എന്നാണ് വിവരം. ഭാര്യ: അശ്വതി, മകൻ: യയോഗ്.സഹോദരി: ലീന.
Post Your Comments