സര്‍വകലാശാലയ്ക്കുള്ളിൽ നിന്ന് മദ്ധ്യവയസ്കന്‍റെ മൃതദേഹം കണ്ടെത്തി

കോട്ടയം: എംജി സർവകലാശാലയിൽ വിസി ക്വാർട്ടേഴ്സിന് അടുത്തുള്ള മ്യൂസിക് ക്ലബിന് സമീപത്തെ മതിലിനോട് ചേര്‍ന്ന് മൃതദേഹം കണ്ടെത്തി. മാന്നാനം സ്വദേശി പ്രദീപിന്‍റെ (44) ന്റെ മൃതദേഹമാണ് കണ്ടെത്തിയത്. ഇയാളെ കാണാനില്ലെന്ന് ഭാര്യ രാവിലെ പൊലീസിൽ പരാതി നൽകിയിരുന്നു . ദുരൂഹതയില്ലെന്നാണ് പ്രാഥമിക നിഗമനമെന്ന് പൊലീസ് പറ‍ഞ്ഞു. മൃതദേഹം കോട്ടയം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്.