ഒഡീഷ: വൈദ്യുത ലൈനില്‍ നിന്ന് ഷോക്കേറ്റ് ഏഴ് ആനകള്‍ ചെരിഞ്ഞ നിലയില്‍. ഒഡീഷയിലെ ധെങ്കനല്‍ ജില്ലയിലെ കമലങ്കയിലാണ് സംഭവം. ശനിയാഴ്ച പുലര്‍ച്ചെയോടെയാണ് പരിസരവാസികള്‍ ആനകളുടെ മൃതദേഹം കണ്ടെത്തിയത്. സംഭവത്തില്‍ വനം- വന്യജീവി വകുപ്പ് അന്വേഷണം പ്രഖ്യാപിച്ചിട്ടുണ്ട്.
വൈദ്യുത ലൈനില്‍ നിന്ന് ആനകള്‍ക്കേറ്റ വൈദ്യുതാഘാതമാണ് ഇവയുടെ മരണത്തിന് കാരണം എന്നാണ് പ്രാഥമിക നിഗമനം. ഒഡീഷയില്‍ ഇതാദ്യമായാണ് ഇത്രയധികം ആനകള്‍ ഒരുമിച്ച് ചെരിഞ്ഞത്. അതേസമയം മനുഷ്യ നിര്‍മ്മിത കാരണങ്ങള്‍ മൂലം മൃഗങ്ങള്‍ ധാരാളമായി ചത്തൊടുങ്ങുന്നതായി അടുത്തിടെ റിപ്പോര്‍ട്ടുകള്‍ പുറത്ത് വന്നിട്ടുണ്ട്. ഇതിനെതിരെ ധാരാളം പരിസ്ഥിതി-സാമൂഹിക പ്രവര്‍ത്തകരും രംഗത്തെത്തിയിരുന്നു.
Post Your Comments