വികസന നേട്ടമുണ്ടാക്കുന്ന രാജ്യങ്ങള്‍ക്കൊപ്പം ഖത്തറിനേയും പരാമര്‍ശിച്ചത് മുഹമ്മദ് ബിന്‍ സല്മാന് കയ്യടി നേടിക്കൊടുക്കുകയും ചെയ്തു
ഖത്തറിന്റെ വളര്‍ച്ചയെ പ്രശംസിച്ച് മുഹമ്മദ് ബിന്‍ സല്മാന് രംഗത്ത്. ആഗോള നിക്ഷേപ സമ്മേളനത്തിനിടെ ഖത്തറിന്റെ വളര്‍ച്ചയെ പ്രശംസിച്ച് സൗദി കിരീടാവകാശി മുഹമ്മദ് ബിന്‍ സല്മാന് കയ്യടി നേടിയത്.
മുഹമ്മദ് ബിന്‍ സല്മാന് പശ്ചിമേഷ്യയിലെ വികസനത്തെ കുറിച്ച് പറഞ്ഞപ്പോഴാണ് സൗദിയുമായി അകന്നു നില്‍ക്കുന്ന ഖത്തറിനേയും കുറിച്ച് സംസാരിച്ചത്. നിറഞ്ഞ കയ്യടിയോടെയാണ് സൗദികള്‍ തിങ്ങി നിറഞ്ഞ സദസ്സ് വാക്കുകള്‍ ഏറ്റെടുത്തത്.
റിയാദ് റിറ്റ്സ് കാള്‍ട്ടനിലെ ആഗോള നിക്ഷേപ സംഗമ വേദി. വിഷയം അറബ് മേഖലയുടെ വികസന ഭാവി. ഇതില്‍ പശ്ചിമേഷ്യയെ അടുത്ത മുപ്പത് വര്‍ഷത്തിനകം യൂറോപ്പാക്കുമെന്നായിരുന്നു മുഹമ്മദ് ബിന്‍ സല്‍മാന്റെ പ്രഖ‌്യാപനം. ഇതിന് ശേഷമാണ് വികസന നേട്ടമുണ്ടാക്കുന്ന രാജ്യങ്ങള്‍ക്കൊപ്പം ഖത്തറിനേയും പരാമര്‍ശിച്ചത്.
Post Your Comments