പട്ടാപ്പകൽ ജ്വല്ലറിയില്‍ നിന്നും വള മോഷ്ടിച്ച യുവതി അറസ്റ്റിൽ. എറണാകുളം ബ്രോഡ് വേയിലെ ജ്വല്ലറിയില്‍ നിന്നും സ്വര്‍ണ്ണവള മോഷ്ടിച്ച സ്നേഹ വൈശാലാണ് സെൻട്രൽ പോലീസിന്റെ പിടിയിലായത്. കഴിഞ്ഞ ദിവസമാണ് ബ്രോഡ് വേയിലെ ജ്വല്ലറിയില്‍ മോഷണം നടന്നത്. ഉച്ചയോടെ ജ്വല്ലറിയിലെത്തിയ യുവതി കടക്കാരന്‍റെ കണ്ണുവെട്ടിച്ച്‌ സ്വര്‍ണ്ണ വള മോഷ്ടിക്കുകയായിരുന്നു. ഈ ദൃശ്യങ്ങൾ സിസിടിവിയിൽ പതിഞ്ഞതോടെയാണ് യുവതിയെ കണ്ടെത്താൻ കഴിഞ്ഞത്.
കടക്കാരനുമായി സംസാരിക്കുകയായിരുന്ന യുവതി ശ്രദ്ധ തിരിച്ച ശേഷം സ്വര്‍ണ്ണവളയെടുത്ത് ബാഗിലേക്ക് വെക്കുകയായിരുന്നു. വള മോഷണം പോയതറിഞ്ഞ ജ്വല്ലറിയുടമ സിസിടിവി ദൃശ്യങ്ങള്‍ സഹിതം പോലീസില്‍ പരാതി നല്‍കി. കോടതിയില്‍ ഹാജരാക്കിയ പ്രതിയെ ജാമ്യത്തിൽ വിട്ടയച്ചു.
Post Your Comments