ഇന്ധനവിലയില്‍ വീണ്ടും കുറവ്; പുതിയ നിരക്ക് ഇങ്ങനെ

തിരുവനന്തപുരം: ഇന്ധനവിലയില്‍ വീണ്ടും കുറവ്. തുടര്‍ച്ചയായ ആറാം ദിവസമാണ് ഇന്ധന വിലയില്‍ നേരിയ കുറവ് വരുന്നത്. പെട്രോളിന് 10 പൈസയും ഡീസലിന് 7 പൈസയും കുറഞ്ഞു. തിരുവനന്തപുരത്ത് പെട്രോള്‍ വില 84.68 രൂപയാണ്. ഡീസല്‍ വില 80.12 രൂപയും. കോഴിക്കോട് ഒരു ലിറ്റര്‍ പെട്രോളിന് 83.57 രൂപയാണ് ഇന്നത്തെ വില. ഡീസലിന് 78.97 രൂപയാണ് ഇന്നത്തെ വില. കൊച്ചിയില്‍ ഒരു ലിറ്റര്‍ പെട്രോളിന് 83.20 രൂപയും ഡീസലിന് 78.60 രൂപയിലുമാണ് വ്യാപാരം നടക്കുന്നത്.