തൃശൂരില്‍ വീണ്ടും എടിഎം കവര്‍ച്ചാശ്രമം; അന്വേഷണം ശക്തമാക്കി

തൃശൂര്‍: തൃശൂരില്‍ വീണ്ടും എടിഎം കവര്‍ച്ചാശ്രമം. ഇന്ന് രാവിലെയാണ് എടിഎം കവര്‍ച്ചാശ്രമംനടന്നതായി കണ്ടെത്തിയത്. കിഴക്കുംപാട്ടുകര കനറാ ബാങ്കിന്റെ എടിഎമ്മിലാണ് കവര്‍ച്ചാ ശ്രമം. നടന്നത്. ഇതേ തുടര്‍ന്ന് പൊലീസ് പരിശോധന നടത്തുകയാണ്. കുറച്ച് ദിവസങ്ങള്‍ക്ക് മുമ്പ്
തൃശൂരും കൊച്ചിയിലും എടിഎമ്മുകള്‍ കൊള്ളയടിക്കപ്പെട്ടിരുന്നു.

കൊരട്ടി ജങ്ഷനുസമീപം ദേശീയപാതയില്‍ പ്രവര്‍ത്തിക്കുന്ന സൗത്ത് ഇന്ത്യന്‍ ബാങ്കിന്റെ എടിഎം കൗണ്ടറിലാണ് കവര്‍ച്ച നടന്നത്. എ.ടി.എം. അറുത്തുമാറ്റി പത്തുലക്ഷത്തോളം രൂപയാണ് കവര്‍ന്നത്. ബാങ്കിനോട് ചേര്‍ന്നാണ് എംടിഎം കൗണ്ടറും. ഗ്യാസ് കട്ടര്‍ ഉപയോഗിച്ചാണ് കൗണ്ടര്‍ പൊളിച്ചിരിക്കുന്നത്. തുടര്‍ന്ന് ട്രേയില്‍ സൂക്ഷിച്ചിരുന്ന പത്തുലക്ഷത്തോളം രൂപയും കവര്‍ച്ചാ സംഘം രക്ഷപ്പെടുകയായിരുന്നു.