രണ്ട് മാസത്തിനു ശേഷം ഇന്ധനവില കുറഞ്ഞു

ന്യൂഡല്‍ഹി•പൊതുമേഖലാ എണ്ണകമ്പനികളാണ് പെട്രോളിന് 21 പൈസയും ഡീസലിന് 11 പൈസയും കുറച്ചത്. ചെലവ് കുറഞ്ഞതാണ് വിലകുറയ്ക്കാന്‍ കാരണമെന്ന് കമ്പനികള്‍ അറിയിച്ചു.

കേന്ദ്ര സര്‍ക്കാര്‍ എക്‌സൈസ് ഡ്യൂട്ടി കുറച്ചതും കമ്പനികള്‍ ഇളവ് നല്‍കിയതുമടക്കം 2.50 രൂപ പെട്രോളിനും ഡീസലിനും കുറഞ്ഞത് ഈ മാസം അഞ്ചിനായിരുന്നു. എന്നാല്‍ അന്താരാഷ്ട്ര വിപണി നിരക്കനുസരിച്ച് ഇന്ധന വില ദിവസേന വര്‍ദ്ധിച്ചത് മൂലം പൊതുജനങ്ങള്‍ക്ക് ഇളവുകള്‍ വേണ്ടവിധം പ്രയോജനപ്പെട്ടിരുന്നില്ല.

നിലവില്‍ മുംബൈയിലെ പെട്രോള്‍ വില 88.08 രൂപയുംഡീസലിന് 79.24 രൂപയുമാണ്.