കുടുംബം സഞ്ചരിച്ച കാര്‍ അപകടത്തിൽപെട്ടു ; ഒൻപതു പേർക്ക് ദാരുണാന്ത്യം

റായ്പൂർ : കുടുംബം സഞ്ചരിച്ച കാര്‍ അപകടത്തിൽപെട്ട് ഒൻപതു പേർക്ക് ദാരുണാന്ത്യം. ഛത്തീസ്ഗഡ് തലസ്ഥാന നഗരിയായ റായ്പൂരില്‍ നിന്നും 70 കിലോ മീറ്റര്‍ അകലെ രജനാംദ്ഗാവില്‍ വെച്ച് ക്ഷേത്ര ദര്‍ശനം കഴിഞ്ഞ് മടങ്ങുകയായിരുന്ന കുടുംബം സഞ്ചരിച്ച കാര്‍ ട്രക്കുമായി കൂട്ടിയിടിക്കുകയായിരുന്നു. മൂന്ന് പേര്‍ക്ക് പരിക്കേറ്റു.നവരാത്രി ആഘോഷത്തിന്റെ ഭാഗമായി ക്ഷേത്രസന്ദര്‍ശനം കഴിഞ്ഞ് ടോംഗര്‍ഗഡില്‍ നിന്നും ഭിലായിലേക്കു പോകവെ ആയിരുന്നു അപകടം.