മലപ്പുറം: നിര്‍മാണശാലക്കു മുന്നില്‍ വാഹനം നിര്‍ത്തിയിട്ടതിന് മര്‍ദനമേറ്റ മലപ്പുറം സ്വദേശി മരിച്ചു. 54കാരനായ മലപ്പുറം പറപ്പൂര്‍ പൊട്ടിപ്പാറ സ്വദേശി കോയ ആണ് മരിച്ചത്. പ്രതികളെന്നു കരുതുന്ന അഞ്ച് പേര്‍ കസ്റ്റഡിയിലായതായും റിപ്പോര്‍ട്ടുകളുണ്ട്. ഇവര്‍ വെള്ളിയാഴ്ച രാവിലെ 10 മണിക്ക് കോയ ജോലി ചെയ്യുന്ന ഗോഡൗണില്‍ എത്തി മര്‍ദിക്കുകയായിരുന്നു.
ജോലിചെയ്യുന്ന നിര്‍മാണശാലക്കു മുന്നില്‍ കോയ വാഹനം നിര്‍ത്തിയിട്ടതുമായി ബന്ധപ്പെട്ടുണ്ടായ വാക്കുതര്‍ക്കമാണ് പിന്നീട് മര്‍ദ്ദനത്തിലേക്ക് കടന്നത്. മര്‍ദ്ദനത്തില്‍ കോയയ്ക്ക് ഗുരുതരമായി പരുക്കേറ്റിരുന്നു. ഇന്ന് രാത്രി പത്തുമണിയോടെ കോട്ടയ്ക്കലിലെ സ്വകാര്യ ആശുപത്രിയില്‍ വെച്ചാണു മരണം സംഭവിച്ചത്.
Post Your Comments