അരുണ്‍ ജയ്റ്റ്ലി ധനമന്ത്രി ആയതെങ്ങനെ? അറിയേണ്ടത് കോണ്‍ഗ്രസ് നേതാവും നടിയുമായ ദിവ്യയ്ക്ക്

ന്യൂഡല്‍ഹി: കേന്ദ്ര ധനമന്ത്രിയെന്ന നിലയില്‍ അരുണ്‍ ജയ്റ്റ്ലിയുടെ പ്രവര്‍ത്തനങ്ങളെ കുറിച്ച് അറിയാത്തവര്‍ വിരളമായിരിക്കും. എന്നാല്‍ ആരും ഇതുവരെ ചോദിക്കാത്ത ചോദ്യവുമായി മുന്നോട്ട് വന്നിരിക്കുകയാണ് കോണ്‍ഗ്രസിന്റെ സമൂഹമാധ്യമ വിഭാഗം നേതാവും നടിയുമായ ദിവ്യ സ്പന്ദന. അവര്‍ക്ക് അറിയേണ്ടത് ഇത്ര മാത്രമാണ്. അരുണ്‍ ജയ്റ്റ്ലി കേന്ദ്ര ധനമന്ത്രി ആയതെങ്ങനെ?

ലോകത്തിലെ ചുരുളഴിയാത്ത രഹസ്യങ്ങള്‍ക്കൊപ്പമാണ് ദിവ്യ ഇതും തിരയുന്നത്. അറ്റ്ലാന്റിക് നഗരമെവിടെ, ദിനോസറുകളെ കൊന്നത് എന്താണ്, അന്യഗ്രഹജീവികളുടെ ജീവിതം നിനില്‍ക്കുന്നതാണോ ഇവയൊക്കെയാണ് ദിവ്യ ട്വിറ്റര്‍ പോസ്റ്ററിലൂടെ ചോദിക്കുന്നത്. ഇതിനൊപ്പമാണ് ജയ്റ്റ്ലി ധനമന്ത്രിയായതെങ്ങനെയെന്നും ദിവ്യ ചോദിക്കുന്നത്. ചലച്ചിത്ര രംഗത്തു നിന്നെത്തി രാഷ്ട്രീയത്തില്‍ സജീവമായ ആളാണ് ദിവ്യ സ്പന്ദന.