കൊല്ലം: വീടുകളിൽ മുഖംമൂടി ധരിച്ചെത്തി കവർച്ച. കൊല്ലം ചവറയില്‍ രണ്ടിടത്താണ് മുഖംമൂടി ധരിച്ച് മോഷണം നടന്നത്. ഇന്ന് പുലര്‍ച്ചെയോടെയായിരുന്നു സംഭവം. വടക്കുംതല സ്വദേശി ബാബു, കന്നേറ്റി സ്വദേശി മുഹമ്മദുകുഞ്ഞ് എന്നിവരുടെ വീടുകളിലാണ് മോഷണം നടന്നത്.
ബാബുവിന്‍റെ വീട്ടില്‍നിന്ന് ഏഴുപവനോളം സ്വര്‍ണാഭരണങ്ങളും മുഹമ്മദ് കുഞ്ഞിന്‍റ വീട്ടില്‍നിന്ന് മൂന്നുപവന്‍റെ മാലയുമാണ് മുഖംമൂടി സംഘം കവര്‍ന്നത്. രണ്ടു വീടുകളിലും അടുക്കളയുടെ കതക് കുത്തിപൊളിച്ചാണ് മോഷണം നടന്നത്. മോഷ്ടാക്കള്‍ മുഖംമൂടി ധരിച്ചിരുന്നതായി വീട്ടുകാര്‍ പോലീസിന് മൊഴി നല്‍കി. ചവറ പോലീസ് സ്ഥലത്തെത്തി പരിശോധന നടത്തി. അന്വേഷണം പുരോഗമിക്കുകയാണ്.
Post Your Comments