മറയൂര്‍: നക്ഷത്ര ആമയെ പിടികൂടി കടത്താന്‍ ശ്രമിച്ച രണ്ട് പേര്‍ക്ക് 20000 രൂപ പിഴ. ചിന്നാര്‍ അതിര്‍ത്തിയില്‍ തമിഴ്‌നാട് വനത്തിലൂടെയുള്ള റോഡരികില്‍ നിന്ന് നക്ഷത്ര ആമയെ പിടികൂടി കടത്താന്‍ ശ്രമിച്ച മറയൂര്‍ സ്വദേശികളായ കൃഷ്ണമൂര്‍ത്തി(26), ശശികുമാര്‍(44)എന്നിവരില്‍ നിന്ന് തമിഴ്‌നാട് വനം വകുപ്പാണ് പിഴ ചുമത്തിയത്. പിഴ ഈടാക്കിയ ശേഷം ഇരുവരെയും വിട്ടയച്ചു. ബൈക്കില്‍ ഏഴ് മലയാന്‍ ക്ഷേത്രത്തിലേക്ക് പോയി മടങ്ങുന്ന വഴിയില്‍ ചിന്നാര്‍ അതിര്‍ത്തി ആനമല കടുവ സങ്കേതത്തില്‍ എസ്. വളവിന് സമീപം റോഡരികില്‍ കണ്ടെത്തിയ ആമയെയാണ് ഇവര്‍ പിടികൂടിയത്. ഞായറാഴ്ചയാണ് ഇരുവരെയും പിടികൂടിയത്.
Post Your Comments