സ്വാമി അയ്യപ്പനെ മോശമായി ചിത്രീകരിച്ചുകൊണ്ടുള്ള വീഡിയോ ഷെയര്‍ ചെയ്ത യുവാവ് അറസ്റ്റില്‍. തമിഴ്‌നാടിലെ തിരുനിന്റവൂര്‍ സ്വദേശിയായ സെല്‍വനെയാണ് തമിഴ്‌നാട് പോലീസ് അറസ്റ്റ് ചെയ്തത്. വീഡിയോയില്‍ സ്വാമി അയ്യപ്പന്റെ കൂടെ ആര്‍ത്തവാവസ്ഥയിലുള്ള ഒരു സ്ത്രീയുടെ ചിത്രം കൂടിയുണ്ട്. സ്ത്രീയുടെ കാലിൽ നിന്നും ഒലിച്ചിറങ്ങുന്ന ആർത്തവ രക്തം അയ്യപ്പൻറെ ശിരസിൽ പതിക്കുന്നതുപോലെ ആണ് ചിത്രം.
കോടികളുടെ ആരാധ്യ ദേവനായ അയ്യപ്പനെ അവഹേളിക്കുന്ന തരത്തിലുള്ള ഈ വീഡിയോയ്‌ക്കെതിരെ കടുത്ത പ്രതിഷേധമാണ് പുകയുന്നത്. ‘ഹിന്ദു മക്കള്‍ കച്ചി’ എന്ന സംഘടന ഈ വീഡിയോക്കെതിരെ പോലീസില്‍ പരാതി നല്‍കി. അറസ്റ്റിലായ സെല്‍വനെ പോലീസ് കോടതിക്ക് മുമ്പാകെ ഹാജരാക്കിയിരുന്നു. തുടര്‍ന്ന് ഇയാളെ ജുഡീഷ്യല്‍ കസ്റ്റഡിയില്‍ വിട്ടു.
Post Your Comments