അമ്മയുടെ എക്സിക്യൂട്ടീവ് യോഗം ഇന്ന് കൊച്ചിയിൽ

കൊച്ചി : മലയാള സിനിമാ താരങ്ങളുടെ സംഘടനയായ അമ്മയുടെ എക്സിക്യൂട്ടീവ് യോഗം ഇന്ന് വൈകുന്നേരം കൊച്ചിയിൽ നടക്കും. പ്രളയാനന്തരം കേരളത്തിന് വേണ്ട സഹായങ്ങൾക്കായി പണം സ്വരൂപിക്കാനാണ് യോഗം വിളിച്ചുചേർക്കുന്നത്. എന്നാൽ നടിയെ ആക്രമിച്ച കേസിലെ പ്രതിയായ ദിലീപിനെ സംഘടനയിൽനിന്ന് പുറത്താക്കണമെന്ന് ആവശ്യപ്പെട്ട് നടിമാരായ പാർവതി, രേവതി ,പത്മപ്രിയ എന്നിവർ നൽകിയ കത്തിനെക്കുറിച്ചും യോഗത്തിൽ ചർച്ച ചെയ്‌തേക്കും.