ഫുട്‌ബോര്‍ഡില്‍ നിന്ന് സാഹസിക യാത്ര; പാളത്തിലേക്ക് വീണ പെണ്‍കുട്ടി രക്ഷപ്പെട്ടത് തലനാരിഴക്ക്; വീഡിയോ

മുംബൈ: ഫുട്‌ബോര്‍ഡില്‍ നിന്ന് സാഹസിക യാത്ര നടത്തുന്നതിനിടെ പാളത്തിലേക്ക് വീണ 17കാരിയെ സഹയാത്രക്കാർ രക്ഷപ്പെടുത്തുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. പെൺകുട്ടി ഫോണിൽ സംസാരിച്ചു കൊണ്ട് ട്രെയിനിന്റെ വാതില്‍പ്പടിയില്‍ നില്‍ക്കുകയായിരുന്ന പെണ്‍കുട്ടി നിയന്ത്രണം വിട്ട് താഴേക്ക് വീഴുകയായിരുന്നു. തിങ്കളാഴ്ച ഘോട്‌കോപര്‍ സ്റ്റേഷനും വിക്രോളി സ്‌റ്റേഷനും ഇടയിൽ വെച്ചായിരുന്നു സംഭവം.

To all the people traveling by Mumbai local trains, be careful while you stand on the footpath. pic.twitter.com/qkDthV1CEJ

— Ninja with 4 As (@SecretNinjaaaa) October 3, 2018

പെണ്‍കുട്ടി കൈപുറത്തേക്കിടാന്‍ ശ്രമിച്ചതോടെയാണ് നിയന്ത്രണം വിട്ട് താഴേക്ക് വീഴാൻ പോയത്. ഇതിനിടെ തൊട്ടടുത്ത ട്രാക്കില്‍ മറ്റൊരു ട്രെയിന്‍ കൂടിയെത്തുകയായിരുന്നു. ഉടൻ തന്നെ അടുത്ത് നിന്നിരുന്ന യാത്രക്കാര്‍ യുവതിയുടെ ടീഷര്‍ട്ടില്‍ പിടിച്ച് ട്രെയിനിനുള്ളിലേക്ക് കയറ്റുകയായിരുന്നു. പെണ്‍കുട്ടി വീണ വേളയില്‍ എതിരെ ട്രെയില്‍ വരുന്നതിന്റെയും യാത്രക്കാരന്‍ വേഗം രക്ഷപ്പെടുത്തുന്നതിന്റെയും ദൃശ്യങ്ങൾ വീഡിയോയിൽ വ്യക്തമാണ്. ദൃശ്യങ്ങൾ സമൂഹമാധ്യങ്ങളലിൽ വൈറലാണ്.