എടപ്പാള്‍: ബൈക്കില്‍ ബസിടിച്ചുണ്ടായ അപകടത്തില്‍ യുവാവിന് ദാരുണാന്ത്യം. എടപ്പാള്‍ റിലയന്‍സ് പെട്രോള്‍ പമ്പിന് സമീപം വെച്ച് ഞായറാഴ്ച രാത്രി ഒമ്പതു മണിയോടെയുണ്ടായ അപകടത്തില്‍ തിരൂര്‍ വാണിയന്നൂരിലെ അഷ്റഫിന്റെ മകന്‍ സുഹൈല്‍ (26) ആണ് മരിച്ചത്. അപകടത്തില്‍ തിരൂരിലെ അനീഷിനും (24) പരിക്കേറ്റിരുന്നു. ഇരുവരെയും ആശുപത്രിയിലെത്തിച്ചെങ്കിലും ഗുരുതരമായി പരിക്കേറ്റ സുഹൈല്‍ മരണത്തിന് കീഴടങ്ങുകയായിരുന്നു. അനീഷിന്റെ ആരോഗ്യനിലയെ കുറിച്ചുള്ള വിവരങ്ങള്‍ പുറത്തു വന്നിട്ടില്ല.
Post Your Comments