ന്യൂഡല്‍ഹി: നിക്ഷേപ പദ്ധതി ചര്‍ച്ചയ്ക്കിടെ കുവൈറ്റ് പ്രതിനിധിയുടെ പേഴ്‌സ പാക്കിസ്ഥാന്റെ ഉന്നത ഉദ്യോഗസ്ഥന്‍ മോഷ്ടിച്ചു. ദൃശ്യങ്ങള്‍ സമൂഹമാധ്യമങ്ങളില്‍ വൈറലായതോടെ നാണക്കേടിലാണ് പാക്കിസ്ഥാന്‍. പാക്ക് മാധ്യമങ്ങളാണ് മോഷണ ദൃശ്യങ്ങള്‍ പുറത്തു വിട്ടത്.
ആറ് സെക്കന്റുകളുള്ള വീഡിയോയാണ് പുറത്തു വന്നിരിക്കുന്നത്. ചര്‍ച്ചക്കു ശേഷം കുവൈറ്റ് പ്രതിനിധി പേഴ്‌സ് മേശമേല്‍ മറന്നു വച്ച് പോകുകയായിരുന്നു. തുടര്‍ന്ന് ഇവിടെയെത്തിയ പാക്കിസ്ഥാനിലെ ക്ലാസ് 20 ഉദ്യോഗസ്ഥന്‍ പേഴ്‌സ് എടുത്ത് തന്റെ പോക്കറ്റിനുള്ളില്‍ വെക്കുന്നത് വീഡിയോയില്‍ കാണാം.
Grade 20 GoP officer stealing a Kuwaiti official’s wallet – the official was part of a visiting delegation which had come to meet the PM pic.twitter.com/axODYL3SaZ
— omar r quraishi (@omar_quraishi) September 28, 2018
സംഭവം വൈറലായതോടെ ഉദ്യോഗസ്ഥനെതിരെ കുവൈറ്റ് പ്രതിനിധി പരാതി നല്‍കിട്ടുണ്ടെന്നാണ് മാധ്യമങ്ങളുടെ റിപ്പോര്‍ട്ട്. പേഴ്‌സ് കാണാത്തതിനെ തുടര്‍ന്ന് സ്ഥലത്തെ എല്ലാ മുറികളും അധികൃതര്‍ അരിച്ച് പെറുക്കിയിരുന്നു. കൂടാതെ ചില ഉദ്യോഗസ്ഥരെ ചോദ്യം ചെയ്തു. പിന്നീടാണ് സിസിടിവി പരിശോധിച്ച് കളളനെ പിടി കൂടിയത്. ഇയാളെ ജോലിയില്‍ നിന്നും സസ്‌പെന്‍ഡ് ചെയ്തതായി മന്ത്രി ഫവദ് ചൗദരി അറിയിച്ചു.
Post Your Comments