വെളിച്ചെണ്ണ ഫാക്ടറിയില്‍ വന്‍ തീപ്പിടുത്തം

കാസര്‍കോട്: വെളിച്ചെണ്ണ നിര്‍മ്മാണ ഫാക്ടറിയില്‍ വന്‍ തീപ്പിടുത്തം. സീതാംഗോളി കിന്‍ഫ്ര പാര്‍ക്കിന് സമീപത്ത് സുള്ള്യയിലെ ഫാക്ടറിയിലാണ് തീപിടിത്തമുണ്ടായത്. 10 ലക്ഷത്തിന്റെ നാശനഷ്ടം ഉണ്ടായതായാണ് പ്രാഥമിക വിലയിരുത്തൽ. അഷ്‌റഫ് എന്ന ആളുടെ ഉടമസ്ഥതയിലുള്ളതാണ് ഫാക്ടറി. വ്യാഴാഴ്ച അര്‍ദ്ധരാത്രി 12.15 മണിയോടെയാണ് തീപിടുത്തമുണ്ടായത്. ടണ്‍ കണക്കിന് കൊപ്രകളും ഉപകരണങ്ങളുമടക്കമുള്ളവയാണ് കത്തിനശിച്ചത്.

തീപിടുത്തത്തിനുള്ള കാരണം വ്യക്തമായിട്ടില്ല. കാസര്‍കോട് നിന്നും പോയ മൂന്ന് യൂണിറ്റ് ഫയര്‍ഫോഴ്‌സ് സംഘം മൂന്ന് മണിക്കൂര്‍ നീണ്ട പരിശ്രമത്തിനൊടുവില്‍ വെള്ളിയാഴ്ച പുലര്‍ച്ചെ 3.30 മണിയോടെയാണ് തീയണച്ചത്. യോഗേഷ് എന്നയാളുടെ ഉടമസ്ഥതയിലുള്ളതാണ് കെട്ടിടം.