ദുബായ്: ഏഷ്യകപ്പ് ഇന്ത്യന്‍ കെെകളിലേക്ക് വന്നണയാന്‍ നമ്മള്‍ നേടേണ്ടത് 223 റണ്‍സ്. ടോസ് നഷ്ടമായി ബാറ്റിങ്ങ് തിരഞ്ഞെടുത്ത ബംഗ്ലാദേശ് പട 222 റണ്‍സെടുത്ത് ആള്‍ ഔട്ടായപ്പോള്‍ ഇന്ത്യക്ക് മുന്നില്‍ വിജയ ലക്ഷ്യമായി നില്‍ക്കുന്നത് 223 റണ്‍സാണ്. ഓപ്പണര്‍ ലിറ്റണ്‍ ദാസിന്‍റെ (121) സെഞ്ചുറിയുടെ മികവിലാണ് ബംഗ്ലാദേശ് ഭേദപ്പെട്ട സ്കോര്‍ നേടിയത്. പിന്നീട് ക്രീസില്‍ ഇറങ്ങിയ ഒാരോരുത്തരും ചെറിയ റണ്‍സെടുത്ത് പുറത്തായി.
ഇന്ത്യന്‍ പേസര്‍മാരെയും സ്പിന്നര്‍മാരെയും ഒരുപോലെ കൈകാര്യം ചെയ്ത ലിറ്റണ്‍ ദാസ് മാത്രമാണ് ബംഗ്ലാ നിരയില്‍ തിളങ്ങിയത്. തുടക്കം മുതല്‍ കസറിയ ലിറ്റണ്‍ 117 പന്തില്‍ 12 ഫോറും രണ്ടു സിക്സറും അടക്കമാണ് 121 റണ്‍സെടുത്തത്. 41ആം ഓവറില്‍ കുല്‍ദീപ് യാദവിന്‍റെ പന്തില്‍ ധോണിയുടെ കിടിലന്‍ സ്റ്റംമ്ബിംഗാണ് ലിറ്റണെ നിലം പരിശാക്കിയത്
ഇന്ത്യക്കായി കുല്‍ദീപ് യാദവ് മൂന്നും കേദാര്‍ ജാദവ് രണ്ടും ബുംമ്രയും ചാഹലും ഓരോ വിക്കറ്റ് വീതവും വീഴ്ത്തി.
Post Your Comments