കൊച്ചി: സച്ചിന്‍ പോയ ബ്ലാസ്റ്റേഴ്സിന്റെ ക്ഷീണം തീര്‍ക്കാന്‍ മലയാളികള്‍ക്കും തെന്നിന്ത്യക്കാര്‍ക്കും ഏറെ പ്രിയങ്ക അതിഥിയെ പ്രഖ്യാപിക്കാനൊരുങ്ങി കേരള ബ്ലാസ്റ്റേഴ്സ്.
കേരള ബ്ലാസ്റ്റേഴ്സ് കുടുംബത്തിലേക്കൊരു സര്‍പ്രൈസ് അതിഥിയെ ഉടന്‍ പ്രഖ്യാപിക്കുമെന്ന് അധികൃതര്‍ വ്യക്തമാക്കി കഴിഞ്ഞു. ഇതിനിടെ കൊച്ചിയില്‍ ഇന്ന് ബ്ലാസ്റ്റേഴ്സിന്റെ പുത്തന്‍ ജഴ്‌സി സൂപ്പര്‍താരം മോഹന്‍ലാല്‍ പുറത്തിറക്കുന്നത് അഭ്യൂഹങ്ങള്‍ക്ക് കരുത്തുകൂട്ടുന്നു. ഇതിന്റെ ചുവട് പിടിച്ചാണ് മോഹന്‍ലാലിന്റെ പേര് ആരാധകര്‍ ഉയര്‍ത്തുന്നത്.
അഞ്ചാം സീസണില്‍ മഞ്ഞപ്പട കുടുംബത്തിന്റെ ഭാഗമാകുന്ന സൂപ്പര്‍താരത്തിനായി അല്‍പസമയം കാത്തിരിക്കാന്‍ കേരള ബ്ലാസ്റ്റേഴ്സ് സമൂഹമാധ്യമങ്ങളിലൂടെ ആരാധകരോട് ആവശ്യപ്പെട്ടിട്ടുണ്ട്. ടീം സഹ ഉടമയും അംബാസിഡറുമായിരുന്ന ഇതിഹാസ ക്രിക്കറ്റര്‍ സച്ചിന്‍ ടെന്‍ഡുള്‍ക്കറുടെ പകരക്കാരനെയാവും ബ്ലാസ്റ്റേഴ്സ് പ്രഖ്യാപിക്കുക എന്നാണ് മഞ്ഞപ്പട ആരാധകര്‍ക്കിടയിലെ ചര്‍ച്ച.
Post Your Comments