വിവോയുടെ പുതിയ സ്‍മാർട്ട്ഫോണ്‍ വിപണിയിൽ

വിവോയുടെ പുതിയ സ്‍മാർട്ട്ഫോണായ വിവോ വി11 ഇന്ത്യൻ വിപണിയിൽ. സെപ്റ്റംബര്‍ 27 മുതല്‍ ഫ്‌ളിപ്പ്കാര്‍ട്ട്‌, വിവോ ഇന്ത്യ ഇസ്റ്റോര്‍, മറ്റ് ഓഫ്‌ലൈന്‍ റീടെയില്‍ സ്ഥാപനങ്ങള്‍ എന്നിവിടങ്ങളില്‍ നിന്നും ഫോൺ വാങ്ങാം. 6.3 ഇഞ്ച് ഡിസ്‌പ്ലേയും ഡ്യുവല്‍ ക്യാമറയും മീഡിയാ ടെക് ഹീലിയോ പി 60 പ്രൊസസറുമാണ് ഈ ഫോണിന്റെ പ്രധാന സവിശേഷതകള്‍. സ്റ്റാറി നൈറ്റ് ബ്ലാക്ക്, നെബുല പര്‍പ്പിള്‍ എന്നീ നിറങ്ങളിൽ പുറത്തിറങ്ങുന്ന വിവോ വി11ന് 22,990 രൂപയാണ് വില.

പുറത്തിറക്കലിനോടനുബന്ധിച്ച്‌ കാപ്പിറ്റല്‍ഫസ്റ്റ് ഉപയോക്താക്കള്‍ക്ക് അഞ്ച് ശതമാനം കാഷ്ബാക്കും, എച്ച്‌ഡിഎഫ്‌സി ഡെബിറ്റ് കാര്‍ഡ് ഉടമകള്‍ക്ക് 2000 രൂപ കാഷ്ബാക്കും പേടിഎം മാള്‍ ക്യുആര്‍കോഡ് ഉപയോഗിച്ച്‌ ഫോണ്‍വാങ്ങുന്നവര്‍ക്ക് 2000 രൂപ കാഷ്ബാക്കും ലഭ്യമാകും.