ജമ്മു കാഷ്മീരിലുണ്ടായ വാഹനാപകടത്തില്‍ രണ്ട് റവന്യു ഉദ്യോഗസ്ഥര്‍ മരിച്ചു

ശ്രീനഗര്‍: ജമ്മു കാഷ്മീരിലെ കുപ്വാരയിലുണ്ടായ വാഹനാപകടത്തില്‍ രണ്ട് റവന്യു ഉദ്യോഗസ്ഥര്‍ക്ക് ദാരുണാന്ത്യം. കുപ്വാരയിലെ ഇസഡ്-ഗാലിയില്‍ ഞായറാഴ്ച രാത്രിയായിരുന്നു സംഭവം. നിയന്ത്രണം നഷ്ടപ്പെട്ട ഇവരുടെ കാര്‍ കൊക്കയിലേക്ക് മറിയുകയായിരുന്നു. സയിദ് നയീം അഹമ്മദ് ഇന്ദ്രാബി, അജാസ് അഹമ്മദ് ദാര്‍ എന്നിവരാണ് അപകടത്തില്‍ മരിച്ചത്. അപകടത്തില്‍ ഫറൂഖ് അഹമ്മദ് ദാറിന് ഗുരുതരമായി പരിക്കേല്‍ക്കുകയും ചെയ്തു. ഇയാളെ ആശുപത്രിയില്‍ പ്രവേശിപ്പിച്ചുവെന്ന്  അധികൃതര്‍ വ്യക്തമാക്കി.