രണ്ടാം ലീഗ് മത്സരത്തിലും മികച്ച വിജയം നേടി മാഞ്ചസ്റ്റര്‍ യുണൈറ്റഡ്. ലീഗിലെ ആദ്യ മത്സരത്തില്‍ 13 ഗോളുകള്‍ക്ക് ആസ്റ്റണ്‍ വില്ലയെയും മാഞ്ചസ്റ്റര്‍ യുണൈറ്റഡ് തോല്‍പ്പിച്ചിരുന്നു. 13 വര്‍ഷങ്ങള്‍ക്ക് ശേഷം ഈ വര്‍ഷമാണ് മാഞ്ചസ്റ്റര്‍ യുണൈറ്റഡ് വനിതാ ഫുട്ബോള് ടീം പുനരാരംഭിച്ചത്. അതിനാല്‍ തന്നെ ഈ വിജയത്തിന് ഇരട്ടിമധുരമാണുള്ളത്.
ഇപ്പോള്‍ ഇംഗ്ലീഷ് വനിതാ ലീഗിന്റെ സെക്കന്‍ഡ് ഡിവിഷനിലാണ് യുണൈറ്റഡ് കളിക്കുന്നത്. ഇന്നലെ ഷെഫീല്‍ഡ് യുണൈറ്റഡിനെ ഹോം മത്സരത്തില്‍ നേരിട്ട മാഞ്ചസ്റ്റര്‍ എതിരില്ലാത്ത 3 ഗോളുകള്‍ക്കാണ് വിജയിച്ചത്. യുണൈറ്റഡിനായി കാറ്റി സെല്‍, കിര്‍സ്റ്റി ഹാന്‍സണ്‍, ലിസ്സി അര്‍നോറ്റ് എന്നിവര്‍ ഒരോ ഗോള്‍ വീതം ഇന്നലെ സ്‌കോര്‍ ചെയ്തു.
Post Your Comments