കോട്ടയം•ജലന്ധര്‍ ബിഷപ്പായിരുന്ന ഫാങ്കോ മുളയ്ക്കലിന് പിന്തുണയുമായി പി.സി ജോര്‍ജ്ജ് എം.എല്‍.എ വീണ്ടും രംഗത്ത്. മുളയ്ക്കലിനെതിരെ വ്യാജ തെളിവുണ്ടാക്കാൻ പൊലീസ് ശ്രമിക്കുകയാണെന്ന് ആരോപിച്ച ജോര്‍ജ്ജ് പീഡനം നടന്നതായി പരാതിയിൽ പറയുന്നതിന്റെ തൊട്ടടുത്ത ദിവസം ബന്ധുവീട്ടിലെ ചടങ്ങിൽ കന്യാസ്ത്രീയും ബിഷപ്പും സന്തോഷത്തോടെ ഒരുമിച്ചിരിക്കുന്ന ആറു ചിത്രങ്ങളും ദൃശ്യങ്ങളും തന്റെ പക്കലുണ്ടെന്നും അവകാശപ്പെട്ടു. ചടങ്ങില്‍ ബിഷപ്പും കന്യാസ്ത്രീയും ഒരുമിച്ച് പങ്കെടുത്ത ചിത്രം പിസി ജോര്‍ജ് മാധ്യമങ്ങള്‍ക്ക് മുന്നില്‍ പ്രദര്ശിപ്പിക്കുരുകയും ചെയ്തു.
കന്യാസ്ത്രീ ദുഃഖിതയായി ഇരിക്കുന്നതു കണ്ടുവെന്ന വ്യാജമൊഴി ദൃശ്യങ്ങൾ പകർത്തിയ ഫോട്ടോഗ്രാഫറിൽ നിന്ന് പൊലീസ് എഴുതി വാങ്ങിയെന്നും കോട്ടയം പ്രസ് ക്ലാബില്‍ നടത്തിയ വാര്‍ത്താ സമ്മേളനത്തില്‍ ജോർജ് ആരോപിച്ചു.
Post Your Comments