​ഗൂ​ഗിൾ ട്രാൻസലേറ്റർ പറയുന്നു, ‘കോക്‌റോച്ച്’ പാറ്റയല്ല അത് ‘തങ്കമണിയാണ്’

അല്ലേലും ഒന്നിനെയും വിശ്വസിക്കാനാവാത്ത കാലമാണിതെന്ന് പറയുന്നത് വെറുതേയല്ല, വന്ന് വന്ന് ​ഗൂ​ഗിൾ ട്രാൻസലേറ്ററിനെയും വിശ്വസിക്കാൻ പറ്റാതായി.

വാക്കുകളുടെ അർത്ഥങ്ങൾ കണ്ടുപിടിക്കുവാനും ഒരു പ്രത്യേക നാമം മറ്റു ഭാഷകളിൽ എങ്ങനെ പറയുമെന്നറിയാനുമെല്ലാം നാം ഗൂഗിൾ ട്രാൻസ്ലേറ്റ് ഉപയോഗിക്കാറുണ്ട്. എന്നാൽ ഗൂഗിൾ പറയുന്നതൊന്നും വിശ്വസിക്കാൻ പറ്റില്ലെന്ന് വീണ്ടും തെളിയിക്കപ്പെടുകയാണ്.

സം​ഗതി സിമ്പിളാണ് ‘കോക്‌റോച്ച്’ പാറ്റയല്ല അത് തങ്കമണിയാണെന്നാണ് ​ഗൂ​ഗിൾ പറയുന്നത്. ഗൂഗിളിൽ ‘കോക്ക്‌റോച്ച്’ എന്ന ഇംഗ്ലീഷ് വാക്ക് മലയാളത്തിലേക്ക് ട്രാൻസ്ലേറ്റ് ചെയ്താൽ ലഭിക്കുന്നത് ‘പാറ്റ’ എന്നല്ല. മറിച്ച് ‘തങ്കമണി’ എന്നാണ് ! ഇതിന്റെ സ്‌ക്രീൻഷോട്ട് ഇപ്പോൾ സോഷ്യൽ മീഡിയയിൽ വൻ ഹിറ്റാണ്.