തിരുപ്പൂര്‍: ഒരുകിലോ തക്കാളി നാലുരൂപയ്ക്ക് വില്പന നടത്തിയിട്ടും വാങ്ങാന്‍ ആളില്ലാതെ വന്നപ്പോള്‍ കര്‍ഷകരും വ്യാപാരികളും ചേര്‍ന്ന് തക്കാളി ഉദുമലപ്പേട്ട ചന്തയിലെ റോഡില്‍ ഉപേക്ഷിച്ചു. വിവിധതരം പച്ചക്കറികളും പഴങ്ങളും ഉത്പാദിപ്പിക്കുന്ന തിരുപ്പൂര്‍ ജില്ലയിലെ സ്ഥലങ്ങളാണ് ഉദുമലപേട്ട, മടത്തുകുളം, കുടിമംഗലം എന്നിവിടങ്ങള്‍. കഴിഞ്ഞമാസങ്ങളില്‍ ഈ പ്രദേശങ്ങളില്‍ നല്ലമഴ ലഭിച്ചതോടെ പച്ചക്കറിക്കും പഴവര്‍ഗങ്ങള്‍ക്കും നല്ല വിളവ് ലഭിച്ചിരുന്നു. വിളവ് നന്നായി ലഭിച്ചതോടെ തക്കാളിയുടെ വില കുത്തനെ താണു. വിളവെടുക്കുന്ന പണിക്കാര്‍ക്ക് കൊടുക്കാനുള്ള കൂലിപോലും തക്കാളിവിറ്റാല്‍ ലഭിക്കാതെയായതോടെ പല കര്‍ഷകരും തക്കാളി റോഡില്‍ ഉപേക്ഷിക്കുകയാണ് ചെയ്തത്.
Post Your Comments